Հաքերները կոտրել են Ֆերնանդեշի սոցիալական ցանցերի էջը, տեղադրել Ռոնալդուի մասին ներքին տեղեկություններ և վիրավորել «Մանչեսթեր Յունայթեդին»

Պորտուգալիայի ազգային հավաքականի և «Մանչեսթեր Յունայթեդի» կիսապաշտպան Բրունո Ֆերնանդեշի պաշտոնական X էջը կոտրվել է, հաղորդում է «Կարմիր սատանաների» մամուլի ծառայությունը։

 Անհայտ անձինք մուտք են գործել Ֆերնանդեշի X էջ և հրապարակել մի շարք սադրիչ հաղորդագրություններ։ Նրանք կոչ են արել «սիրել» «Մանչեսթեր Յունայթեդը», պրոֆեսիոնալ դարթսիստ Լյուկ Լիտերին հրավիրել են FIFA-ի (այժմ՝ EA Sports) անհատական խաղի, պահանջել են, որ նա «ազատվի INEOS-ից» (բրիտանական ընկերություն, որը կառավարում է «Մանչեսթեր Յունայթեդը») , ռասիստական վիրավորանքներ են հնչեցրել ռեփեր KSI-ի հասցեին, առաջարկել են համագործակցություն մեծահասակների համար նախատեսված դերասանուհու հետ՝ կոպիտ ենթատեքստով, կրքոտ սեր են հայտնել «Կոմոյի» հայտնի ֆուտբոլիստ Ալիսիա Լեմանի նկատմամբ, «պատկերացումներ» են տվել Կրիշտիանու Ռոնալդուի կարիերան ավարտելու մասին և հայտարարել Բրունոյի Անգլիայի կրիկետի հավաքական տեղափոխվելու մասին։

Հաքերը գրառումների շարքը եզրափակել է այն հայտնի խաղի ցուցատախտակի լուսանկարով, որում «Լիվերպուլը» 7:0 հաշվով հաղթել է «Մանչեսթեր Յունայթեդին»։