SPORTSWORLD.AM
«Արսենալը» լուրջ հետաքրքրություն է ցուցաբերում «Ինտերի» կենտրոնական պաշտպան Ալեսանդրո Բաստոնիի նկատմամբ, հայտնում է «Caught Offside»-ը։
Անգլիական ակումբի ղեկավարությունը կարծում է, որ գլխավոր մարզիչ Միկել Արտետայի մարտավարական համակարգը մեծապես համապատասխանում է Բաստոնիի ուժեղ կողմերին: «Ինտերը» պատրաստ է քննարկել 90-100 միլիոն եվրոյից սկսվող առաջարկներ: Ֆուտբոլիստի գործող պայմանագիրը միլանյան ակումբի հետ ուժի մեջ է մինչև 2028 թվականի ամառը:
Բաստոնին «Ինտեր» է տեղափոխվել 2017 թվականի օգոստոսին «Ատալանտայից» 31 միլիոն եվրոյի դիմաց։ Այս մրցաշրջանում նա ակումբի կազմում 33 խաղում խփել է երկու գոլ և կատարել վեց գոլային փոխանցում։ Transfermarkt-ի տվյալներով՝ պաշտպանի շուկայական արժեքը կազմում է 80 միլիոն եվրո։