SPORTSWORLD.AM
Մադրիդի «Ռեալի» գլխավոր մարզիչ` Ժոզե Մոուրինյոն մեկնաբանել է Լա Լիգայի 2026/2027 մրցաշրջանի 11-րդ տուրի խաղում «Ռասինգ Սանտանդերի» դեմ 3-0 հաշվով հաղթանակի ժամանակ իր թիմի դեմ չեղյալ հայտարարված 11 մետրանոց հարվածը և գնահատել երկրպագուների արձագանքը: Խաղը տեղի է ունեցել «Էստադիո Կամպոս դե Սպորտ դե Էլ Սարդիներո» (Սանտանդեր) մարզադաշտում: Որպես մրցավար հանդես է եկել Խոսե Մունուերա Մոնտերոն:
«Իմ կարծիքով, նրանք բողոքում են ամեն հնարավորության դեպքում։ Ինձ շատ է դուր գալիս այս մարզադաշտը և տեղացի երկրպագուները. նրանք ունեն իրենց յուրահատուկ բնավորությունը, խաղը զգալու իրենց յուրահատուկ ձևը։ Նրանք չեն գալիս պարզապես ներկայացում դիտելու, ինչպես ֆիլմում, այլ գալիս են խաղին մասնակցելու, խաղի մասնակիցը լինելու, և նրանք շատ դժվար պայմաններ են ստեղծում հակառակորդ թիմի համար։ Բայց կա մեկ բան. մարդիկ ամբողջ սրտով աջակցում են, բայց նրանցից շատերը իրականում չգիտեն կանոնները։ Եվ, անկեղծ ասած, կանոնները այնքան հաճախ են փոխվում, որ երկրպագուները պարզապես չեն հասկանում։
«Չուամենիի միջադեպում 11 մետրանոց հարված չէր կարող լինել, քանի որ գնդակը ռիկոշետով հարվածեց. դա պարզապես 11 մետրանոց հարված չէր։ Երբ մրցավարը 11 մետրանոց հարված նշանակեց, ես հանգիստ մնացի, և մոնիտորի վրա տեսագրությունը տեսնելուց հետո հասկացա, որ եթե VAR-ը աշխատեր այնպես, ինչպես պետք է, ապա 11 մետրանոց հարված չպետք է լիներ։ Ինձ համար պարզ է, որ խախտում չի եղել», - Մոուրինյոյի խոսքերն մեջբերում է` Marca պարբերականը: